Hawaasi Rosiisaanote Rosi Kolleeje Xaaddotenna Lamalate Jeefonni Qajeelshitayi Keeshshitino 26ki Doyicho 1,136 Rosaano Maassiissu. Maassote amanyootira leelle sokka sayisinohu Sidaamu qoqqowi aantaanchu Pirezidaantichinna rosu biiro sooreessi Kalaa Beyene Baraasihu sokka sayiisanni lophitino gobbuwa techo la'neemmo deerrira iillitinohu garunni rossino mannu wolqa ikkasi kule techo maassantinoniri ilamate sayiisate adhitinoonni yawo garunni fultine umi'ne egenono lossidhine ga'a gobba ragidhanno qansoota kalaqate ikkadda, jawaatanna lifixa assate jawa qeecha fultanno gede qummi assino. Ledoteno ki'ne rosiissinanni ilama gobbatennino sa'e kalqete deerrinni heewisamaano qansoota kalaqate jawaattine loosa hassiissanno'ne yee sokkasi sayiisino. Kolleejete Diine D.r Nigaatu Tu'aashihu isi widoonni sokkasi sayiisanni kolleeje tayiixe 26ki doyiicho maassiissanni noota kule Hawaasa xaaddotenna lamalate jeefonni shoolu mereershira qajeeltanni keeshshitinore xaphoomunni 1,136 qajeeltinota xawisino Ledoteno techo maassiinsoonniri sertefiketetenna dippiloomunni ikkitinota kule qajeelaano gobbate ikkadda qansoota kalaqatenni qeechansa fultano gede qaagiisse dancha loosu yanna ikkansara halchosi xawisino. Maassote amanyootira aantaanchu Pirezidaantichinna rosu biiro sooreessi ,rosu biiro loosu sooreeyye, rosiisaanote maamari manajimentete miilla,Koolleejete manajimeente ,Rosiisaanonna loosaasine,maassamaanote maatenna woshshatto assineenna daggino wosinna leeltino.