Dagoomu Owaante
Dagoomu owaante kolleejete sase qara sokko giddo mittete. Konni daafira kolleejenke qarqaru dagara owaante mu’rate uyitanno. Owaantenke rosoho woy dagoomu heeshsho soorrate irkisanno uduunninni kayse safote latishsha irkisate geeshsha iillanno. Xintantunkunni kayisse kolleejenke haammata dagoomu heeshsho soorrannore loossanni keeshshitinoha ikkanna xaa yannara kolleeje loossanno no dagoomu owaante loossa aantete noote.
- Sidaamu DQM Mereerimu Sidaami Zoone, Daalle woradi, Sooyyaamu Olliira mitte modele balaxote rosi mine 7,000,000.00 (lamala miliyoone) ikkanno birrinni ijaarsitanni afantanno. Konne ijaara ijarsinanni jiro afantinohu kolleejete loosaasine shooshanqete baraarsitino mittu agani damoozanna kolleejennita giddo eo horoonsi’neeti.
- Kolleejenke 2400 ale ikkitanno “Sidaamu-Afoo Hanafaano Borreessaanora” yaanno maxaafa borreessiissenna attansiisse umi deerri rosaano nabbawanna borreessate dandoo bowirsate irko ikkanno gede baraassinoha ikkanna qoqqowu rosu biiro widoonni tuqe loosu aana hosino.
- Kompiyuutere, kemikaalla, rosu irkishshi uduunnenna sayinsete kite rosu minnara baraarsinoonni. Konne diro kolleejenke 15 kompiyuutere, 50 ale ikkitanno babbaxxitino kemikaale sayinsete wo’naalshu roso bowirsate, haammata rosu irko ikkanno uduunnenna sayinsete kite uminna layinki dirimi rosi minnara uyinoonni.
- Hogowi umi dirimi rosi minira 210 barcima (armchair) uyine rosanna rosiisa irkinsoonni. Hattono, Daaki umi dirimi rosi minira 50, Addis Zemeni umi dirimi rosi minira 50, Haweela Liidi layinki dirimi rosi minira 50 nna Maarremiyu uurrinshara 50 barcima uyinoonni. Woleno babbaxxitino horo aanno uduunnichi irkono assinoonni.
- Kolleejenke 40 dhuka ajjanno maateta dirunnira xagishshu inshuraanse baatooshshe 36, 000.00 ale fushshite baattino.
- Sidaamu DQM Rosiisaanote Maamarira diru konforaanse harisidhanno gede 50,000.00 birri irko assinoonni.
Aleenni qummi assiniri haammate kolleeje uyitanni afantanno dagoomu awaante giddo gamate. Kalqetenna gabbaamu deerrinni babbaxxitino dagoomu owaante uyitanno halamaano kolleejenke ledo halamatenni dagoomu owaante halashshitanno gede ayirrinyu woshshatto shiqinsheemmo.