Hawaasi Rosiisaanote Rosi Kolleeje Gashshootu Handaari Aanaancho Diine Borro Mine
Hawalle Hawaasi Rosiisaanote Rosi Kolleeje webisayte keerunni daggini yeemmo’ne! Mixonke gashshootunna latishshu hajubba layinki gashshaancho/diincho hattono loosisi qeechanna biirote ledo amadisiisantino loosu kifilla egensiinsammoraati. Tenne webisayte huluullantinikkinni wo’millunni horonsi’ratenni ninke ledo loosate, hasidhinoonni kifilla xaadate, beeqqatenna hattono haaroore kalaqate ninke ledo halame loosate dandiitinanni. Hawasi Rosiisaanote Rosi Kolleeje Itophiyu giddo ikkadu garinni qinaabbino dagate uurrinsha ikkite 45 diri ale ikkitanno yannara rosanna rosiisate ha’rinshonni xiinxallotenninna dagoomu owaante aatenni kaajjado looso loossanni keeshshitino. Safantu garino 1976 M.D Awassa teacher training Institute yaamante saffinoti gedensoonni 1996 M.D hanaffe wirro Hawaasi Rosiisaanote Rosi kolleeje yaamante su’mamatenni qoqqowohonna gobbate deerrinni rosiisaanonna rosu massagaano qajeelsite maassiissanni keeshshitino.
Kolleejenniti tantanose lame qara bissa yaano rosanna rsiisate ha’rinshonna gashshootu handaari bisubba hanqaffinota ikkitanna lamunku handaari ripoorte shiqishannohu qaru kolleejete gashshaanchiraati. Kollejete mixo gafa gansiisate kolleejennihu gashshootunna latishshu handaari layinki massagaanchi borro mini lowo qeecha godo’lanno. Kuni borrote mini mannu jiro gamba assa, fayinansete jironna hidhate ha’rinsho qorqora hattono mannu jironna udiinnu jiro horonsi’rate ha’rinsho qorqorate biilloonyi noosiho. Ledeno luphi yitino ikadimmanna kalanqete dandoo bowirsate kaa’lanno rosi injo kalaqateno lowo sharro assanno.
Ledeno, borrote mini kolleejete mixo gafa gansiisate, halamatenninna wo’mante loosu kifilla ledo halame loosatenni kolleejete rosaanoranna dagoomu owaante aate mixo assinoonoho. Gaamote loosi wo’munku loosu handaari giddogumaamma ikkinanni gede assate hasiisannoh ikkinota huwanteemmo.
Loosinke aana assinanni woy uynanni taashshirote tumo hagiirrunni adhineemmota xawinsanni kolleejete emeyile horonsidhine xaaddinanninke gede egensiinseemmo. Ninke duuchante yannara wo’munku manni assineemmo owaantenni kassi yaanno gede assate balaxo uyneemmo. Konnira webisayitenke hawalle keerunni daggini!
Birhanu Majo, MSc. - Aan/Diine (Rosu Budi Handaara)
+251912107678