Aan/Diine (Rosiisaanote Latishshi Handaara) sokka
Kolleejte lame lekkisaano massagano noose. Umihu konni albaanni lekkisaancho gashshaanchonna rosiisaanotenna rosu massagaano latishshinna gashshooti qara loosu ha’risaancho yaamame woshsamannohu xaa yannara kayinni Rosiisaanote latishshi hajubba layinki/ lekkisaancho gashshaancho yine woyyeessinoonniho. Ikkadimmasi keenne biilloonsinoonnihu rosiisaanote latishshi hajubba layinki/lekisaanchu gashshaanchi, qara kolleejete gashshaancho rosunna gashshootu hajubbanni irkisannoho. Rosiisaanote latishshi hajubba layinki gashshaanchiti qara assootubba kolleejete galtino seeri garinni gumulantinote. Tenne biro hunda noo loosu handaarra istriimi ofiisere, rosunna qajeelshu ofiisere, pirakitikeemetenna rosu minna xaadishshi loosi biso, CED nna rosaanote hajubba qineessaancho, hattono rijistiraarenna albi rosaanote owaante loosi bisubba hanqaffanno.
Tenne yannara hawaasi Rosiisaanote Rosi Kolleeje giddo digirete pirograamenni qajeelsha Uytanni Afantanno Loosu Golubba Aante Nooreeti.
- Sidaamu Afii Rosi Gola
- Amaaru Afii Rosi Gola
- Ingilizete Afii Rosi Gola
- Shallagote Rosi Gola
- Xaphoomu Sayinse Rosi Gola
- Qarqaru Sayinse Rosi Gola
- Dagoomu Sayinse Rosi Gola
- Qansichimmatenna Rosi Gola
- Akatoomu Rosi Gola
- Mannimmate Guunte Rosi Gola
- Seesallonna Muuziiqu Rosi Gola
- ICT Rosi Gola
- Keereretenna Tekinikete Rosi Gola (Department Of Career And Technical Education)
Qaaqquullu amadooshshinna balaxote rosi 12+2 woy dipoloomu deerrinni aamamanni afamanno. Tini baalanti rosu pirograamma dhaaddote woy lamalate jeefo pirogiraammanni aamantanni afantanno. Kolleejennihu rosanna rosiisate loosi loosamannohu 210 ikkadda rosiisaanonni ikkanna 91% ikkitinnaori hasiisanno garinni layinki digirensa rosse guddinoreetinna 4.5% sayikki digire noonsareeti. Xaa yannara 38 ale ikkitinnori kolleejjete rosiisaano gobbate giddonna baara widoonni sayikki digirensa rossanni afantanno.
Aantaancho Diine (Ros/Lat/Handaari) Borro mine
Tel: +251462202272