Shallagotenna Kalaqamu Sayinse Istriime
Hawalle Hawaasi Rosiisaanote Rosi Kolleeje Webisayte Keerunni Daggini
Hawaasi rosiisaanote Rosi Kolleeje giddo faajjetenni loosu aana afantanno istriimma giddo mitte Shallagonna Kalaqamu Sayinse Istriimeeti. Tini istriime qaddo hettisamaano ikkitionore silancho rosiisaano sayinsete rosinninna tekinoloojete rosi golinni qixxeessatenni qeechase fultanni afantanno. Konni golinni qajeelte fultanno fullahaano dagansara silancho roso aatenni, addi addi xiinxallo loosatenninna dagoomu owaante kaajjishatenni dagannita miinjunna dagoomitte lopho irkisate qeechansa fulate mixo assidhanno. Tenne yannara shallagonna Kalaqamu Saynse Istriime hundaanni shoole rosu golubba (shallago, fiyizikise, kemistirenna bawulooje) afantanno. Qoleno tini istriime, 73 rosiisaano, 9 laboratoorete irkishshi loosaasine, 403 dhaaddo rosaanonna 472 lamalate jeefo rosaano shoolunku (Hawaasi, Yirgalamete, Aleta wondinna Bansi) mereershinni shallagote rosi golinni, xaphoomu sayinsenninna qarqaru sayinsenni qajeeltnnore amaddino. Xaphoomunni, tenne yannara shallagotenna kalaqaamu sayinse istriime hunda 875 dhaaddonna lamalate jeefo rosaano afantanno.
Shallagote rosi goli shoole istiimete hunda afantanno rosi golubba giddo mittoho. Kuni goli rosaano ikkado shallagote egennonna dandoo afidhanno gede assatenni luphiima shalagote egennonna dandoo xa’manno loosira mannu wolqa ikkadu garinni qajeelse qixxeessanni afamanno. Tenne yannara Shallagote rosi golinni 127 (123 labballinna 4 meyaati) lamu buhinni dhaaddote rossannore ikkitanna 30 rosaano (26 labballinna 4 meyaati) lamalate jeefo rosi pirograame aana leeltanno.
Fiyisikisete rosi goli shoole istiimete hunda afantanno rosi golubba giddo mittoho. Kuni goli 20 rosiisaano (19 labballonna 1meyaata) hattono 3 laboratoorete kaa’laano (2 labballonna 1 meyaata) amadinoha ikke tenne yannara lamente dhaaddonna lamalate jeefo pirograammanni rosiisaano qajeelsate aana afamanno.
Shallagonna kalaqamu sayinse istiimete hunda afantanno rosi golubba giddo afamannohu wolu Kemistirete rosi golaatii. Kuni goli 17 rosiisaano (17 labballonna 0 meyaata) hattono 3 laboratoorete kaa’laano (2 labballonna 1 meyaata) amadinoha ikke tenne yannara lamente dhaaddonna lamalate jeefo pirograammanni rosiisaano qajeelsate aana afamanno.
Bawuloojete rosi goli shoole istiimete hunda afantanno rosi golubba giddo mittoho. Bawuloogje manchi beetti heeshsho ledo aamdaminorichi aana illachishshanno daafira heeshshote ledo lowo geeshsha xaaddo afirino rosi golaati. Kuni rosu goli 21 rosiisaano (19 labballonna 2 meyaata) hattono 3 labballo wo’naalshu mini kaa’laasine amadinoho. Tenne yannara bawuloojete rosi goli dhaaddonna lamalate jeefo rosi pirogiraamenni rosiisaano qajeelsanni afamanno.
Qoleno kuni shallagotenna kalaqamu sayinse istriime lowo geeshsha qinaawinonna ikkado udiinne amadinohu sayinsete wo’naalshi mini noosiho. Kuni wo’naalshu minion rosu goli garinni bebbeehaminoha ikke kemistirete wo’naalshi mine (xaphooma, organikenna analaytikale wo’naalshi mini kemikaalete kuuso base ledo), bawuloojete wo’naalshi mine (mayikirobawulooje, zooloojetenna botaanete wo’naalshi mini kemikaalete kuuso ledo) nna fiysikisete wo’naalshi mine (xaphooma, elekitrooniketenna magineettete wo’naalshi mini kuusote base ledo) yine bebbeenke woshshinannireeti. Kuri wo’naalshu minna rosanna rosiisate harinsho assootaamu garinni shiqishate kaayyo kalaqatenni sa’e dagoomaho owaante widoonnino rosu minnara kemikaalete irko assatenni lowo qeecha fultanni afantanno. Ledeno 2012 M.D, koronu (Kovid-19) fayya kalqe mitinsitu yannarano tenne istriime giddonni kemistiretenna bawuloojete rosi goli rosiisaano noonsa lwo’naalshu minna giddo angate keeraanchimma agadhate horora hossanno keemikaale (hand sanitizer) qixxeessite dagoomaho beehatenni dagoomaho assinanni owaante faajjete leellishshe sa’inoti dihambannite.
Argiso Nemesa
Shallagotenna Kalaqamu Sayinse Istriime Ofisere
Y2005argisonemesa@gmail.com
+251913347390