Dagoomu Sayinse Istriime
Hawalle HRRK Dagoomu Sayinse Istriime Keerunni Daggini!
Hawaasi Rosiisaanote Rosi Kolleeje giddo Dagoomu Sayinse Istriime galo istriimubba giddo mittete.
Tenne istriime mixono, qoossonsanna gadachonsa lainohunni xawashsho huwanyo noonsare; qarqarinsa dagoomira, gobbansaranna kalqete dagoomira eewaancho irko assate qeechansa huwattinore; kaajjado heewisamate dandoo noonsarenna linxete egenno afidhinore yawo woy annimma macciishshantannonsa qansoota kalaqate. Kunino gobba baxate macciishshamme, mannihimmate qoossonna dimokiraasitte qoosso wodho agarsiisatenni dagoomu giddo sumiissanno xaadooshshi lexxe sufanno gede assanno. Heessagise hedate dandoo bowirsatenni, rosaanonke egennaamma,dandoo noonsarenna danchu laooshshinninna akatinni lattinore assine qixxeessineemmo. Ledeno, farcotenni, mimmito duqqatenni, baci-balchoomimmanna dagoomu giddo higgete aliidimmanni ammantannore kalqoomu deerri hettisamaanonna halamaano rosaano kalaqate aana jaante tungoonni.
Ledeno, tini istriime dagoomunnita qara hornyuwa hanqaffinota gutu qaaggo irkisate mixidhinote; albiidi gumulo poletiku, dagoomittenna miinju hattono qasote ledo amadisiisatenni; tophiyu dhaggenna tophiyu buudi qarqarira; Afirikunna kalqete deerrinni hundi mereerimu saninna yannite busulle daafira; mootimmate tantanonna xawado poletiku bissa huwanyo cu’nishiishate ha’rinsho assatenni, tini istriime gobbate dhaggenna gobbate gooddishshi aana hagiirru macciishshamanno gede asste mxidhinote.
Qoleno, kalaqamu jiro amadooshshinna agarooshshi hayyo, ayyarete gade soorrama koranna abbitanno gawajjo egensiisatenninna qarqarunni, mannu budinni, dagatenna safaru mereero noo xurqancho xaadooshshe xiinxallatenni qarqaraho huwanyo kalaqate sharro assitanno. Baattote ofollo akatta, daase garanna kalaqamase harinsho huwanyo kalaqatenni, tini istriime turizimete industire lophora safo tugganno; turizimete latishshi aana hekko assitannore qara coyibba badatenninna huwachishatenni turizimete lophora irko assitanno.
Jeefoteno, rosatenna rosiisate ha’rinsho woyyeessate, dagoomu mitiimma tirate, manchi beetti egenno bowirsate, sayinse bowirsate, kalanqete looso egensiisate, sayinsete xiinxallo guma dagagte tuqisatenna dagoomaho owaante aate qansichimmate, akatu, gobbate baxilli hattono baci-balchoomimma lainohunni qajeelsha aatenni xiinxallo assa; qoleno dhaggete hajubba aana hasaawa assanna qineessa, hattono dhaggete taje qineessatenni qarqau dagoomira nabbawatenna borreessate dandoo bowirshi aana loosate.
Tini dagoomu sayinse istriime aante noo rossu golla hanqaffanno:
- Qansichimmate Rosi Gola
- Akatoomu Rosi Gola
- Dagoomu Sayinse Rosi Gola
- Dhaggenna Dhaggete Doni Amadooshshi Rosi Gola
- Jogiraafunna Qarqaru Xiinxallo Rosi Gola
Tenne Istriimera Noose Jajja
- Mannu Jiro
Tenne istriimera 14 layinki digire noonsa rosiisaano afantannoha ikkanna 7 rosiisaano qansichimmatenna akatoomu rosi golireeti, 3 dhaggenna dhaggete doni amadooshshi rosi golireeti; gattinori 4 Jogiraafunna qarqaru xiinxallo rosi goli rosiisaanooti. Kuri giddonni sase rosiisaano tenne yannara sayikki digirensa rossanni afantanno.
- Uduunnu Jiro
Tenne istriime hunda noo rosu golla baalanti ikkado rosu udiinne afidhinote. Lawishshu gede wo’mantera akeeku kifillanna ikka rosanna rosiisate ikkitanno maxaaffanna qaqote maxaaffa noonsareti.
Kalaa Mebraatu Maammo Daassa, MA – Dagoomu Sayinse Istriime Ofisere
+251912110156