Piraakiteemetenna Rosu Minna Xaadooshshi Biso

Piraakitikeemetenna rosu minna xadooshshi bisi Hawaasi rosiisaanonte Rosi Kolleeje giddo rosu hajo loosi bisubba giddo mittoho. Kuni loosu bisi wo’manka piraakitikeemetenna hattono rosu minnanna kolleejete ledo xadooshshi aana illachishshino loossa loosannoho. Umi dirimi rosi mini rosiisaanchimmara qajeeltanno rosaano baalatera babbaxxitino piraakitikeemete korsuwa gutu ogimmate korsuwa gede assine uynanni. Tenne yannara pirakitikeeme rosiisaanchimmate qajeelishi pirograamma giddo qara biso ikkite leeltannota ikkitanna uyinanni korsuwno rosiisate hayyonna dandoo foonqe dhaawate horo uyitanno. Hattono tenne pirakitikemete korsuwa widoonni qajeelaano addi addi rosicho afi’ratenna, rosu minnanna rosu mini qooxeessi ledo fiileeffatate kaayyo kalaqidhanno. 

Pirakitikeemennihu qaru illachishshi biree gede smmi yine qajeelshu mu’ri-hedo loosunni leellisha calla ikkikkinni, rosiisi’rate qarqaranna ikkadda filiqisaano rosiisaano kalaqate pirograame aanaati. Haaroo rosate muri’hedo illachishshannohu pirakitikemete assootubba rosanna hattono babbaxxitino hajo la’annonsa bissanni lao afi’ratenna qajeelaano addi addi irko afi’rate kaa’litanno rosiisi’rate qarqara bowirsate mereersha ikkitanno gede assate aanaati.

Konnira, umi dirimi rosi mini rosiisaanchimmara qajeeltanno rosiisaanohu pirakitikemete qajeelshi qinaawinohu qajeelaano safote rosu minenna kifilla la’anno gede assatenni, rosu mini rosiisaano kaa’litannonna keeddino rosiisaano ledeo loossanni rosicho bowirsidhanno gede assatenni, umo dandiite rosiissanno gedenna rosaanote akatta xiinxallitanno gede assatenni rosiisaanchimmate ikkadimmansa buuxisiissanno gede kaayyo kalaqatenniiti.

Wo’mante piraakitikemete korsuwa giddo rosaanonnihu qaru qeechi ganye laishsha assate, filiqqisatenna mimmituwiinni rosate kaa’litannonsa gede miilaho lao woy taashiritumo shiqishate. Qoleno pirakitikemennihu qaru illachishshi, rosaano rosu mine la’’atenni kayisse akatu xiinxallo assate geeshsha assitu ha’rinshonninna dhaaddo kifilete qajeelshinni afidhino rosiisate kaa’litannonsaata amadotenna rosiisate hayyo egenno loosunni leellisha dandiitanno gede assate aanaati.

Kolleejete rosiisaanonna rosu mininni kaa’ltara gaammanni irkisaano kayinni tenne safote rosu minenna kifilla la’anno gede assate, rosu mini rosiisaano kaa’litannonna keeddino rosiisaano ledeo loossanni rosicho bowirsidhanno gede assate, umo dandiite rosiissanno gedenna rosaanote akatta xiinxallate ha’rinsho giddo assootu ha’rinsho massagatenninna raga leellishatenni irko assitanno.

Konni daafira HRRK pirakitikemetenna rosu minna xaadooshshi loosi bisihu woshshamooshshisi kolleejennihu rosate ha’rinsho massagaancho ikkino layinki gashshaanchira ikkanna legisileshiinete giddo tittirshunni xawinsoonni loosu ewishshinna gadacho heedhannose.

Kalaa Lewuxaayyo Leggese, MSc. – Pir/Ro/MiXaadooshshi Ofisere

+251916831063